Oito pasos para pasar do teléfono e do WhatsApp a un panel onde cada barco e cada tripulante ten o seu estado en tempo real.
Un barco parado en porto por un papel caducado custa entre 5.000 e 20.000 € ao día, e o RD 1028/2002 fixa multas dende 601 € por documentación non válida. EnrolaMar avísate antes de que ocorra e déixache o enrole listo para presentar.
Cada empresa é un equipo. Dende o selector da barra lateral cambias de equipo se xestionas máis dun, e convidas a quen traballe contigo (xerente de frota, inspector, crewing) para que vexa o mesmo ca ti.
En «Embarcacións» creas cada barco coa súa ficha: matrícula, NIB, bandeira, indicativo de chamada, eslora, manga, puntal, potencia e arqueo, ademais da súa lista de rexistro e a súa escala (baixura, altura ou gran altura). A lista decide que documentos lle corresponden.
Dentro de cada embarcación tes unha fila por tipo de documento e o catálogo de mantementos e revisións (balsa, extintores, ánodos, ITB…). Ao marcar un como realizado, o sistema programa só a seguinte revisión. Mentres falte algún documento da lista, o barco non sae en regra.
En «Persoal» buscas perfís verificados por título, zona e dispoñibilidade, e convídalos: o tripulante acepta e a partir de aí ves os seus documentos. Se alguén da túa tripulación non vai usar nunca a app, podes dalo de alta ti declarando que te autorizou, e subir os seus papeis por el.
En «Ofertas» publicas unha vacante co seu cargo, zona de navegación e porto. Aparece no taboleiro de todos os tripulantes e os candidatos inscríbense sós: ao inscribírense danche acceso á súa documentación para que comprobes se está en regra.
Dende a ficha da embarcación escolles tripulante e cargo a bordo. Debaixo da táboa, a tira de dotación mínima dache os departamentos que quedan cubertos (ponte, cuberta, máquinas…). É orientativa: a cifra vinculante é o Certificado de Tripulación Mínima de Seguridade que emite Capitanía.
En «Enroles» xeras o formulario de Capitanía precuberto cos datos do barco e do tripulante. E en «Cumprimento» tes o semáforo de toda a frota, os avisos a 60, 30 e 15 días de cada caducidade e as túas notas privadas sobre cada tripulante, que só ve o teu equipo.
Montámosche unha demo cos teus barcos e a túa tripulación real, sen compromiso.
Buscabas a outra guía? Ver a guía para tripulantes
Usamos cookies técnicas, necesarias para que a web funcione, e cookies analíticas para entender como se usa. As analíticas só se instalan se as aceptas. Máis información